Ինչպես հայտնի է, եզդիական եղբայրական համայնքը հայերի կողքին է միշտ: Նրանք ինքնակամ ու մեծ սիրով մշտապես արձագանքում են հայերի համար բոլոր դժվարին ու ճակատագրական ժամանակներում:
Եզդի համայնքի ներկայացուցիչ պատգամավոր Ռուստամ Բակոյանն ակտիվորեն լուսաբանում է եզդիական համայնքի գործունեությունը, հայերին օգնելու ակտիվ ջանքերը:
Դեռ սեպտեմբերի վերջին եզդիական համայնքը համախմբվել և ինքնակազմակերպվել էր՝ համայանքի կողմից մի մարտունակ ջոկատ ուղարկելով Արցախ: Ընդ որում, առաջին մեկնողների մեջ էր նաև մեր խիզախ հերոսներից Քյարամի եղբայրը:
Եզդի զինվորականների, կամավորականների շարքերում են նաև կանայք: Ընդ որում, եզդիական համայնքի ներկայացուցիչները բավականին արդյունավետ են իրենց դրսևորում դիրքերում, ինչպես նշում են տեղեկացված մարդիկ և անձամբ Ռուստամ Բակոյանը:
Այսօր պատգամավորը նոր նյութ է հանրայանցրել իր սոցհարթակում, որտեղ երևում է, որ Արցախ է պատրաստվում մեկնել եզդիական համայնքի երկրորդ ջոկատը:
Նրանց բարի ճանապարհում է մաղթում անձամբ Ռուստամ Բակոյանը: Տեսանյութը՝ վարը:
