Այսօր Քարդաշյան քույրերի ընտանիքում տոն է. լրանում է նրանց մայրիկի՝ Քրիս Ջենների ծննդյան վաթսունհինգամյա հոբելյանը: Այդ առիթով Քիմը բավականին հուզիչ հրապարակում է արել իր սոցհարթակում՝ հրապարակելով իր և մայրիկի համատեղ լուսանկարները: Քիմը գրել է.
«Մայրի՜կ…Դու այսօր դարձար 65 տարեկան և երբեք ավելի լավ տեսք չես ունեցել, քան այսօր: Ես անկեղծորեն չգիտեմ, թե ինչպես ես դու դա անում:
Դու կյանքն այնքան հեշտ ես դարձնում ՝ դաստիարակելով 6 երեխայի և միաժամանակ լինելով աշխարհի ամենաուշադիր մայրն ու լավագույն ընկերը:
Ես հավերժ շնորհակալ եմ կյանքի հմտությունների համար, որը դու սովորեցրել ես բոլորիս: Շնորհակալություն լավագույն օրինակը լինելու, աշխատանքային էթիկա մեր մեջ սերմանելու և մեզ այսքան սեր պարգևելու համար: Ես սիրում եմ քեզ… այս խոսքերը նույնիսկ բավականաչափ նշանակություն չունեն: Ծնունդդ շնորհավոր, Քրիս Ջեններ»:
Նշենք, որ Քրիս Ջենները նույնպես հայտնի է որպես հեռուստատեսային դեմք, ով աչքի է ընկել հետաքրքիր կերպարով:
