Ինչպես տարիներ շարունակ, այնպես էլ այս դժվարին ու ճակատագրական օրերին ևս եզդիները նվիրվածորեն եղել են օրհասական պայքար մղող հայ եղբայրների կողքին՝ աջակցելով նրանց բոլոր հնարավոր միջոցներով: Եզդիական ջոկատը առաջիններից էր, որ ուղղվեց մարտի դաշտ:
Մարտի դաշտում եզդի եղբայրները անասելի սխրանքներով հանդես եկան: Նրանք շարունակաբար համալրվում էին նոր ուժերով՝ արդյունավետ մարտեր մղելով: Եզդիների նվիրվածության մասին ոչ միայն խոսքերով են ասվել, այլև երգվել են երգերում:
Ռոմիկ Ավետիսյանը նոր երգ է ներկայացրել, որը վերնագրված է «Հայն ու եզդին ախպերներ են» սրտամոտ վերնագրով: Երգում յուրովի արժևորվում է հայերի ու եզդիների մտերմությունը, բարեկամությունը, համատեղ պայքարելու հաստատակամությունը:
Երգի երաժշտության հեղինակը հենց Ռոմիկ Ավետիսյանն է, իսկ խոսքերը հեղինակել են Ռոմիկ Ավետիսյանն ու Սութո Փոլադը: Ռոմիկ Ավետիսյանի նոր եգը հայ-եզդիական եղբայրության, մտերմության մասին, կարող եք ունկնդրել ստորև կցված նյութի մեջ:
