ՀՀ վարչապետի կինը՝ Աննա Հակոբյանը, ներկայացրել էր, թե ինչպես նվիրաբերեցին փոքր դստեր՝ Արփիի խաղալիքները Ստեփանակերտում գործող հացատանը հավաքված երեխաներին, որտեղ խաղային անկյուն են ստեղծել, որպեսզի մայրիկները կարողանան մի փոքր ցրվել առօրյայից ։
Նա նշել էր, որ հեշտ չի եղել երեխային համոզել հրաժեշտ տալ խաղալիքներին, սակայն մի քանի ժամվա աշխատանքից հետո Արփին համաձայնել է։ Աննա Հակոբյանը կարևորել է այդ աշխատանքը նրանով, որ այն իրենից ենթադրում է դաստիարակչական մոտեցում։ Երեխան կհասկանա, որ ունեցածը պետք է կիսել այդ պահին կարիքի մեջ գտնվողի հետ։
Վարչապետի տիկնոջ գրառմանն անդրադարձել է Արցախի հերոսի՝ Մենուա Հովհաննիսյանի մայրը՝ Կարին Տոնոյանը։
Արցախի Հանրապետության նախագահ Արայիկ Հարությունյանի հրամանագրով Մենուա Հովհաննիսյանը՝ Կարին Տոնոյանի որդին, հետմահու արժանացել է «Արցախի հերոս»-ի կոչման։
Տոնոյանն իր ֆեյսբուքյան օգտահաշվում գրառում է կատարել , որտեղ քննադատել է վարչապետի տիկնոջը և սուր հարցադրումներով դիմել Աննա Հակոբյանին։
