Ռուբեն Մխիթարյանը, որ հաճախ տարբեր թեմաների շրջանակներոում հոլովակներ է պատրաստում, նոր գnրծ է ներկայացրել, որը վերնագրված է «Իմ Արցախ, իմ հող ու ջուր, իմ Հայաստան»: Երգի թեմատիկան մեր օրերում խիստ ակտուալ սերն է առ հայրենիք:
Երգը, ինչպես հասկանալի է, նվիրված է մեր սիրելի ու թանկ Արցախին, որի համար արդեն ամիսներ շարունակ համառ և օրհասական պայքար են մղում բոլոր հայերը՝ յուրաքանչյուրը յուրովի: Արցախը նույնանում է հայրենիքի հետ, որի հզորությամբ ենք աճել:
Երգում միասնության, իրար կողք կանգնելու կոչ ու հորդոր է հնչում, հույս է հայտնվում, որ շուտով Արցախն ու մեր հայրենիքը ոտքի կկանգնի, մեր երկիրը կդարձնենք հզոր ոստան:
Երգը կառուցված է «մի երկիր, մի ազգ, մի հայրենիք» սկզբունքի հիման վրա: Ռ. Մխիթարյանի նոր գործին, որը նվիրված է Արցախին, կարող եք ծանոթանալ վարը կցված նյութի մեջ:
