Հավայան կղզիներում դեկտեմբերի 20-ին սկսվել է Կիլաուեա հրաբխի ժայթքումը:
Այս հրաբուխը ամենաակտիվներից մեկն է աշխարհում, բայց վերջին անգամ դրանից լավայի արտանետում եղել է ավելի քան հինգ տարի առաջ: Հազարավոր այցելուներ եկել էին Հավայան հրաբխային ազգային պարկ ՝ դիտելու Կիլաուեայի ժայթքումը:
Նշենք, որ Կիլաուելան գործող հրաբուխ է Խաղաղ օվկիանոսի Հավայան կղզիներում: Ունի 1247 մետր բարձրություն: Զառիկավոր լանջերով վահանաձև տեսք ունի:
2017թ-ին տեսախցիկները ֆիքսել էին, թե ինչպես է Հավայան կղզիներում գործող Կիլաուելա հրաբխից բխող լավան հոսում անմիջապես օվկիանոս: Օվկիանոսին հասած Կիլաուելա հրաբխի լավայի հետևանքով տոքսիկ ամպեր էին գոյացել: Կղզու ղեկավարությունը զգուշացրել էր զբոսաշրջիկներին ու տեղացիներին օդում վտանգավոր նյութերի բարձր պարունակության մասին:
Լուսնկարում պատկերված է Հավայի կղզում գտնվող Կիլաուելա գործող հրաբխից ժայթքող լավայի արագ և կործանիչ ընթացքը: Աղետի արդյունքում կործանվեց 700 տուն, իսկ 1000-ավոր մարդիկ անհետ կորան:
Լուսանկարիչները հասցրել էին ֆիքսել արտասովոր տեսարաններ այն անվանելով «Վերքի վրա բամբակ կամ ամպերը ծածկում են Կիլաուելա գործող հրաբուխից ժայթքած լավայի պատկերը», «Ժպտացող հրաբուխ» և այլն:
