Ֆունչոզան իրենից ներկայացնում է արիշտա և հաճախ անվանում են «ապակե արիշտա»։ Այս վերմիշելային տեսակը շատ բարակ է և պետք պատրաստել շատ զգույշ, որպեսզի գնդերի խվերածվի։ Ծագման հետ կապված պատմությունները տարբեր են․ ասում են՝ չինական ծագում ունի, իսկ այլ աղբյուրներ նշում են, որ այն ճապոնական է և անգամ հնդկական։
Այն պատրաստվում է բրնձի կամ կարտոֆիլի օսլայից, սակայն համային առումով տարբերվում է վերոնշյալ մթերքներից։ Այն համեղ է և աշխարհով մեկ մեծ տարածում է գտել։ Այսօր առաջարկում ենք պատրաստել ֆունչոզայից համեղ ուտեստ, որը հաճելիորեն կզարմացնի հյուրերին։
Մթերքներ՝
Ֆունչոզա — 1 տուփ
Հավի միս — 400 գ
Սմբուկ — 1 հատ
Պղպեղ՝ բուլղարական- 1 հատ դեղին, 1 հատ կարմիր
Սերուցք — 100 գ
Բուսայուղ — 3 ճ/գ
Աղ, կարմիր և սև պղպեղներ՝ ըստ ճաշակի
Բուսայուղի մեջ տապակել ոչ մեծ կտորներով մանրացված հավի միսը, ապա ավելացնել երկար զոլերով կտրատված գունավոր պղպեղները և սմբուկը։
Այս ամենը տապակելուց հետո ավելացնել սերուցքը, համեմունքները, լավ խառնել և թողնել ցածր կրակի վրա։ Այդ ընթացքում ֆունչոզայի վրա լցրեք եռացրած ջուր(ավել մնալու դեպքում այն կփափկի և կվերածվի խմորային զանգվածի) և ուղիղ երեք րոպե հետո հանեք և լցրեք տապակված սերուցքային զանգվածի վրա։
Լավ խառնեք և վայելեք անմահական ուտեստը։ Բարի ախորժակ։
