Տոնական սեղանի գլխավոր ուտեստը՝ տորթը, սեղանի զարդն է համարվում։ Այն պատրաստելը ոչ միայն ժամանակատար է, այլ նաև անհրաժեշտ են հատուկ հմտություններ ։ Վերջին տարիներին մեծ տարածում են գտել առանց եփելու տորթերը։
Այն հիանալի խոհանոցային գյուտ է, որը կարծես բարդ խնդրի լուծում լինի։ Դրանք կարելի է նույնքան համեղ և նույնքան էլ գեղեցիկ պատրաստել և մատուցել։ Այսօր կներկայացնենք թեթև տորթ՝ պատրաստված թխվածքաբլիթներից, որը եփելու կարիք բնավ չունի։
Մթերքներ՝
Թխվածքաբլիթներ — 250 գ
Թթվասեր — 500 գ
Խտացրած կաթ — 250 գ
Վանիլ — 1 տուփ
Թթվասերը, վանիլը և խտացրած կաթը հարեք 2 րոպե։ Վերցրեք տարրան, որի մեջ նախատեսել եք դնել տորթը և թխվածքաբլիթները դասավորեք հավասարաչափ, վրան քսեք կրեմը։
Կրեմի վրա դասավորեք ևս մեկ թխվածքաբլիթների շերտ և այդպես մի քանի շերտ ինչքան որ կցանկանաք։ Ծածկեք և դրեք սառնարանում։ Ողջ գիշեր թխվածքաբլիթները կրեմի ազդեցությունից կփափկեն։ Մատուցեք առավոտյան ։ Անհրաժեշտ է համտեսել սառնարանից հանելուց անմիջապես հետո։
