Բերանում հալվող թխվածքաբլիթներ, որոնք պատրաստվում են 15 րոպեում

Առաջին թխվածքաբլիթները պատրաստել են Պարսկաստանում մ․թ․ա․ 7-րդ դարում։ Այն պատրաստում էին թագավորական տներում։ Եվրոպայում թխվածքաբլիթները հայտնվել են արաբների արշավանքների ժամանակ, իսկ հետագայում լայն տարածում են ստացել ։ Փարիզի յուրաքանչյուր խանութում կարելի էր գտնել թխվածքաբլիթներ։

Այսօր այս քաղցր ուտեստը հանդիպում է յուրաքանչյուր երկրի խոհանոցում՝ թրծված և զարգացում ապրած տվյալ երկրի ավանդույթներով և նախասիրություններով։ Ունի անհաշիվ տեսակներ։ Դրանք համեղ են և բավականին դյուրին են պատրաստվում։ Այսօր առաջարկում ենք համեղ, բերանում հալվող թխվածքաբլիթների բաղադրատոմս։ Պատրաստեք և վայելեք այն ընտանեկան ջերմ մթնոլորտում։

Անհրաժեշտ մթերքներ՝

Ալյուր — 100 գ

Շաքարավազ — 100 գ

Կոկոսի փաթիլներ — 200 գ

Ձու — 2 հատ

Փխրեցուցիչ — 1 թ\գ

Ձուն հարել շաքարավազի հետ, ավելացնել կոկոսի փաթիլները, խառնել։ Ալյուրի հետ խառնել փխրեցուցիչը և ավելացնել ձվային զանգվածին , խառնել։ Խմորը կես ժամով դնել սառնարանում։ Այնուհետև թաց ձեռքերով խմորից ձևավորել թխվածքաբլիթներ։ Թխել 180 աստիճան տաք ջեռոցում 15 րոպե։ Եվ վերջ․ համեղ, բերանում հալվող թխվածքաբլիթները պատրաստ են ։

Այս ցրտաշունչ օրերին կարող եք վայելել մեկ բաժակ տաք թեյով։

Понравилась статья? Поделиться с друзьями:
error: Content is protected !!