Երբեմն լինում է, որ քաղցած չես լինում, սակայն մի փոքրիկ կտոր ուրելիքից չէիր հրաժարվի։
Հենց այդ դեպքերի համար առաջարկում ենք այս կարկանդակների բաղադրատոմսը։ Այս կարկանդակներն անհավանական համեղ են , պատրաստման պրոցեսը բարդ չէ և հագեցնող են։ Այն դուր կգա նաև ձեր երեխաներին և շատ հարմար կլինի դպրոցում՝ որպես երկրորդ նախաճաշ։
Անհրաժեշտ են՝
Ալյուր — 1 կգ
Կաթ — 700 մլ
Շաքարավազ — 2ճ\գ
Խմորիչ — 1,5 ճ\գ
Աղ — 1 ճ\գ
Կարագ — 200 գ
Աղացած միս — 600 գ
Սոխ — 3 հ․
Քաղցր պղպեղ — 1 հ․
Ձու — 1 հ․
Աղ, համեմունքներ, կանաչի, քունջութ` ըստ ճաշակի
Տաք կաթի մեջ լցնել շաքարավազը և խմորիչը, խառնել ու թողնել հինգ րոպե։ Ալյուրի վրա լցնել աղը, խառնել և ավելացնել կաթնային զանգվածին։ Ստացվում է շատ փափուկ խմոր, ավելացնել հալեցրաց կարագը և նորից խառնել։ Ծածկել պոլիէթիլենային թաղանթով և մեկ ժամով դնել տաք տեղ։ Այդ ընթացքում բուսայուղի մեջ տապակել աղացած միսը մանրացված սոխի հետ, կիսաեփել , ավելացնել պղպեղը, աղը, համեմունքները և տապակել մոտավորապես 10 րոպե։
Հասունացած խմորից պատրաստել ոչ մեծ գնդիկներ։ Բացել, վրան դնել մսային խճողակը և տալ կարկանդակի տեսք։ Վրան քսել ձու և քունջութ շաղ տալ։ Թխել 180 աստիճան տաքացված ջեռոցում 25-30 րոպե։
