Երբ անսպասելի հյուրեր ենք ունենում և ցանկանում ենք համեղ հյուրասիրել, հաճախ անհրաժեշտ է լինում պատրաստել ոչ միայն արագ, այլ նաև քիչ բաղադրամասեր ունեցող ուտեստ։
Այսօր ուզում ենք ձեզ ներկայացնել մի աղցան, որի պատրաստման համար ձեզ անհրաժեշտ կլինի քիչ բաղադրամասեր, քիչ ժամանակ և որ ամենակարևորն է շատ համեղ աղցան։ Իսկ եթե մի փոքր էլ գործի դնենք երևակայությանը, այս աղցանից կարող ենք ստանալ տոնական սեղանի զարդ։
Բաղադրամասեր
Հավի կրծքամիս՝ 350 գրամ
Սունկ (ցանկացած տեսակի)՝ 200 գր․
Վարունգ՝ 2 հատ
Սամիթ՝ 20 գրամ
Մայոնեզ՝ 2 ճաշի գդալ
Աղ, պղպեղ՝ ըստ ճաշակի
Պատրաստման եղանակը
Սունկն անհրաժեշտ է մանր կտրատել և տապակել բուսայուղի մեջ՝ պարբերաբար խառնելով,
այնուհետև նախապես խաշված հավի կրծքամիսը մանրացնել խորանարդիկներով։
Վարունգը չկեղևազրկել և կտրատել կիսալուսնաձև, ապա մանր կտրատել սամիթը։
Բոլոր բաղադրիչները միացնել իրար , ավելացնել մայոնեզը, համեմունքները՝ աղը , պղպեղը, այնուհետև խառնել։ Ահա և վերջ։ Համեղ աղցանը պատրաստ է։ Մատուցելիս կարող եք գեղեցիկ ձևավորել։ Ձևավորեք հազարի թերթերով կամ սամիթի ճյուղերով։
Ձևավորված ուտեստը առավել հաճելի է դարձնում համտեսումը և իհարկե ապահովում է տոնական սեղանի էսթետիկ կողմը։
Բարի ախորժակ