Մանկություն․․․ երջանիկ ժամանակաշրջան, ուր միայն անհոգ ծիծաղն էր թագավորում։ Մենք բոլորս գալիս ենք այնտեղից՝ թողած այնտեղ մեր անհոգ ու երջանիկ օրերը։ Եվ բոլորս էլ ժամանակ առ ժամանակ սիրով թերթում ենք ընտանեկան ալբոմը և մտովի գնում հին ժամանակներ, յուրաքանչյուր լուսանկարի հետ վերհիշում այդ օրվա ապրումները, դեմքերը, գույները։
Ներկայացված լուսանկարում գեղեցկադեմ աղջնակը ԼՀ կուսակցության անդամ, Ազգային Ժողովի պատգամավոր, մարդու իրավունքների և հանրային հարցերի մշտական հանձնաժողովի փոխնախագահ Անի Սամսոնյանն է։
Սովորել է Խաչատուր Աբովյանի Պետական Մանկավարժական Համալսարանում՝ կուլտուրայի ֆակուլտետում լրագրության բաժինը, այնուհետև Գիտությունների Ազգային Ակադեմիայում՝ միջազգային հարաբերություններու և պետական կառավարման ակադեմիայի մագիստրատուրայում։
Աշխատել է որպես գիտաշխատող, լրագրող, վերլուծական կայքի հոդվածագիր, մամուլի ակումբի համակարգող, ԼՀ կուսակցության հիմնադիր անդամ, պատգամավոր, Երևան քաղաքի ավագանու անդամ և մարդու իրավունքների և հանրային հարցերի մշտական հանձնաժողովի փոխնախագահ։
Անի Սամսոնյանը ծնվել է 1990 թվականին, Երևանում։
