Այսօր Առնո Բաբաջանյանի ծննդյան օրն է․ մանրամասներ մեծանուն կոմպոզիտորի կյանքից

Կոմպոզիտոր, ԽՍՀՄ ժողովրդական արտիստ Առնո Բաբաջանյանը ծնվել է 1921 թվականին՝ Երևանում, մանկավարժների ընտանիքում։ Հայրը՝ լինելով մաթեմատիկայի ուսուցիչ,նվագում էր բազմաթիվ ժողովրդական գործիքներ, մայրը ռուսաց լեզվի ուսուցչուհի էր Գորկու անվան դպրոցում։

Բաբաջանյանի երաժշտական ընդունակությունները ի հայտ են եկել բավականին վաղ տարիքից(3 տարեկանից)։ Նրա տաղանդը նկատել էր Արամ Խաչատրյանը։ Սովորել է Գորկու անվան դպրոցում։ 9 տարեկանում գրել է «Պիոներական քայլերգ»-ը։12 տարեկանում երիտասարդ երաժիշտների մրցույթում ստացել է իր առաջին մրցանակը։

Այդ մրցույթում նա կատարեց Բեթհովենի «Չորրորդ սոնատը»։ Ապրել և ստեղծագործել է Մոսկվայում։ Նրա շատ ստեղծագործություններ համաշխարհային ճանաչում են ձեռք բերել։ Կոմպոզիտորը սերտ համագործակցության մեջ էր Ռոժդեստվենսկիի, Մագոմայևի, Կոբզոնի և շատ այլ հայտնիների հետ։

Մեծանուն կոմպոզիտորը մեծ ներդրումներ ունի ինստրումենտալ ջազզի և երաժշտաթատերական ոլորտներում։ Նրա ստեղծագործություններն են հնչում  «Հարսնացուն հյուսիսից», «Իմ սիրտը լեռներում է» և շատ այլ ֆիլմերում։

Կինը դաշնակահարուհի Թերեզա Բաբաջանյանն էր։ Ուներ մեկ որդի՝ Արա Բաբաջանյանը՝ դերասան, էստրադային երգիչ։ Առնո Բաբաջանյանը մահացել է 1983 թվականին, թաղվել է Երևանում։

Понравилась статья? Поделиться с друзьями:
error: Content is protected !!