Ձմեռային այս ցրտաշունչ օրերը ջերմացրեք ընտանիքի անդամներին մեկ բաժակ թեյի հետ մատուցելով այս հրաշք կաթնաշոռով բլիթները։ Անչափ համեղ, բերանում հալվող բլիթները կհավանեն ընտանիքի բոլոր անդամները։ Հստակ հետևելով բաղադրատոմսին՝ կստանաք համեղ և փխրուն բլիթներ։
Այն պատրաստելու համար ձեզ անհրաժեշտ կլինի՝
Խմոր
Ալյուր — 260 գ
Շաքարավազ — 90 գ
Ձու — 1 հ․
Թթվասեր — 100 գ
Կարագ — 100 գ
Սոդա — 1\4 թ\գ
Աղ — 1\4 թ\գ
Խճողակ
Շաքարավազ — 20 գ
Ալյուր — 20 գ
Թթվասեր — 1 ճ\գ
Մեկ ձվի սպիտակուց
Կաթնաշոռ — 150 գ
Վանիլ — 1 պտղունց
Խմորը պատրաստելու համար վերցնել սենյակային ջերմաստիճանի կարագը և հարել շաքարավազի հետ, այնուհետև ավելացնել ձուն, թթվասերը, ալյուրը, աղը և սոդան։ Բոլորը միասին լավ խառնել, հունցել խմոր։ Խճողակը ստանալու համար բոլոր բաղադրամասերը միացնել իրար և լավ խառնել։ Այժմ անհրաժեշտ է պատրաստել բլիթները։ Գրտնակի օգնությամբ խմորից ստանալ տասը սանտիմենտր տրամագծով շրջաններ։
Շրջանի մի մասի վրա դնել խճողակը, մյուս մասով ծածկել , դասավորել ձևամանի մեջ, վրան քսել ձվի դեղնուց և թխել 200 աստիճան տաքացված ջեռոցում 10 — 15 րոպե։
