400 գրամ աղացած միս և կստանաք հրաշալի ընթրիք

Ասում են՝ շաբաթվա առաջին օրը ծանր է։ Օրվա վերջում լիցքաթափվեք ընտանեկան ջերմ մթնոլորտում համով սեղանի շուրջ։ Այսօր առաջարկում ենք ձեզ հրաշալի ընթրիքի բաղադրատոմս։ Այն բարդ չէ պատրաստելը և շատ բաղադրամասեր չի պահանջում։

Եվ այսպես ձեզ անհրաժեշտ կլինի՝

Մսային գնդիկների համար՝

Աղացած միս — 400 գ

Սոխ — 1 հ․

Սխտոր — 1 պճեղ

պաքսիմատ — 50 գ

Հավկիթ — 1 հ․

Աղ, պղպեղ՝ ըստ ճաշակի

Կարտոֆիլային գնդիկների համար՝

Կարտոֆիլ — 300 գ

Կարագ — 30 գ

Աղ, պղպեղ, կանաչի՝ ըստ ճաշակի

Բուսայուղ ձևամանը պատելու համար

Տոմատ — 1 ճ\գ + 100 մլ ջուր

Պանիր — 150

Կարտոֆիլը խաշել աղաջրի մեջ։ Աղացած մսին ավելացնել մանրացված սոխը, սխտորը, պաքսիմատը, ձուն և համեմունքները։ Այս ամենը լավ խառնել։ Ձևամանը պատել բուսայուղով։

Խոնավ ձեռքերով մսից ձևավորել գնդիկներ և դասավորել ձևամանի վրա։ Խաշված կարտոֆիլներին ավելացնել կարագ, համեմունքներ, ապա ստանալ խյուս, այնուհետև ավելացնել մանրացված կանաչին, միախառնել։

Ձևավորել գնդիկներ և դասավորել մսե գնդիկնեի կողքին, եփել 200 աստիճան տաքացված ջեռոցում 30 րոպե, որից հետո տոմատը ջրի հետ խառնել և լցնել ուտեստի վրա։ Վրան շաղ տալ քերած պանիր և 15 րոպե շարունակել եփել ջեռոցում։

Понравилась статья? Поделиться с друзьями:
error: Content is protected !!