Ընթրիքը պատրաստեք այս բաղադրատոմսով և չեք փոշմանի․ համից չեք կշտանա

Եթե չեք սիրում խոհանոցում երկար ժամանակ անցկացնել կամ, առհասարակ, պատրաստել չեք սիրում, բայց, այնուամենայնիվ, սնվել պետք է, ապա այս բաղադրատոմսը հենց ձեզ համար է։

Այն շատ հեշտ է պատրաստվում և ստացվում է անչափ համեղ։ Այս ուտեստը կարելի է մատուցել և՛ ճաշին, և՛ ընթրիքին։

Այն պատրաստելու համար ձեզ անհրաժեշտ կլինի՝

Աղացած միս — 700 գ

Բուսայուղ — 3 ճ\գ

Սոխ — 1 հ․

Պղպեղ — 1\2 մասը

Լոլիկ — 1 հ․

Տոմատ — 1 ճ\գ

Աղ, պպղպեղ՝ ըստ ճաշակի

Պանիր — 150 գ+100 գ մոցարելլա

Լավաշ

Աղացած միսը տապակել բուսայուղի մեջ։ Երբ ջրային պարունակությունը կգոլորշիանա, ավելացնել մանրացված սոխը և տապակել մինչ սոխը կթափանցիկանա, ապա ավելացնել մանրացված պղպեղը, լոլիկը, տոմատը, համեմել  ըստ ճաշակի և շարունակել տապակել մինչ պատրաստ կլինի միսը և կփափկեն բանջարեղենները։

Այժմ վերջնական տեսքի բերեք ուտեստը․ լավաշի վրա մսային զանգվածից ստանալ առաջին շերտը, ապա որպես երկրորդ շերտ լցնել քերած պանիր և այդպես մինչև վերջ, իսկ վերջում ուտեստի վրա շաղ տալ մոցարելլա։ 20 րոպե դնել 200 աստիճան տաքացված ջեռոցում։