Այսօր առաջարկում ենք ձեր օրը քաղցրացնել մի յուրահատուք տորթով։ Այն չափազանց համեղ և յուրահատուկ գեղեցկությամբ է օժտված, ասես անտառային վայրի գեղեցկուհի լինի։ Պատրաստեք և վայելեք ձեր օրը ընկերների հետ մեկ գավաթ սուրճ սեղանի շուրջ։
Այն պատրաստելու համար անհրաժեշտ մթերքներ են՝
Խմոր
Ալյուր — 300 գ
Շաքարավազ — 4 ճ\գ
Կարագ — 200 գ
Ձու — 1 հ․
Փխրեցուցիչ — 1,5 թ\գ
Կրեմ
Սերուցքային պանիր — 400 գ
Սերուցք — 100 մլ
Կակաո — 4 ճ\գ
Շաքարի փոշի — 110 գ
Վանիլ — մեկ պտղունց
Դոնդողանյութ — 20 գ
Ջուր — 50 մլ
Զարդարելու համար
Անտառային ընկույզ (պնդուկ)
Կարամել
Սառույցի աստիճանի սառը կարագը մեծ չափի քերիչով անցկացնել, ավելացնել շաքարավազը, ալյուրի փխրեցուցիչի հետ խառնած և ձուն։ Ձեռքերով հունցել խմոր։ Պետք է ստանալ շաքարավազային թխվածքաբլիթների համար նախատեսված խմոր։ Բացվող ձևամանը պատել կարագով։ Խմորը այնպես տեղավորել ձևամանի մեջ, որ մեջտեղում բաց մնա, այսինքն՝ խմորով պատվի ձևամանի հատակը և շուրջ բոլորը։ Խմորի վրա պատառաքաղով անցքեր անել։ Թխել 180 աստիճան տաքացված ջեռոցում 40-45 րոպե։ Կրեմ։ Դոնդողանյութը թրջել ջրի մեջ, թողնել ուռչի։
Այն բաժանել երկու հավասար մասերի։ Սերուցքային պանիրը շաքարի փոշու, վանիլի և սերուցքի հետ հարել։ Պատրաստի կրեմը բաժանել երկու մասի։ Երկրորդ մասի մեջ ավեացնել կակաո և հարել մինչ կստացվի համասեռ զանգված, այնուհետև ավելացնել պատրաստի դոնդողը։ Թխված խմորը թողնել սառչի, ապա վրան մեկ շերտով ծածկել կակաոյի կրեմով և դնել սառնարանում ։ 40 րոպեից հանել և վրան լցնել սպիտակ կրեմը (սպիտակ կրեմին նույնպես ավելացնել դոնդող և խառնել) և դնել սառնարանում։
40 րոպեից հանել և զարդարել անտառային ընկույզներով և վրան լցնել կարամել։ Իհարկե կարելի է զարդարել ցանկությամբ։
