Անհավանական փափուկ և անչափ համեղ թխվածքաբլիթներ․ նոր բաղադրատոմս

Այսօր առաջարկում ենք ձեր երեկոյան թեյի սեղանը քաղցրացնել այս կաթնաշոռային թխվածքաբլիթներով։ Ներկայացված բաղադրատոմսով թխվածքաբլիթները ստացվում են անհավանական փափուկ, համեղ և նաև չափազանց դյուրին է պատրաստման գործընթացը։

Ձեզ անհրաժեշտ կլինի՝

Խմորի համար՝

Կաթ — 300 մլ

Ալյուր — 480-500 գ

Խմորիչ — 12 գ

Շաքարավազ — 3-4 ճ\գ

Մեղր — 2 ճ\գ

Վանիլին՝ կես թեյի գդալ

Աղ՝ մեկ պտղունց

Բուսայուղ — 50 մլ

Խճողակի համար՝

Կաթնաշոռ — 360 գ

Շաքարավազ — 2-3 ճ\գ

Վանիլին՝ մեկ պտղունց

Չամիչ՝ կես բուռ

Տաք կաթը խառնել խմորիչի, շաքարավազի, մեղրի, բուսայուղի, աղի և վանիլինի հետ, ապա մաղած ալյուրով հունցել խմոր։ Պետք է ստացվի փափուկ խմոր։ Թողնել մեկ ժամ, որպեսզի բարձրանա խմորը։ Այդ ընթացքում պատրաստեք խճողակը։ Կաթնաշոռին ավելացնել շաքարավազ, վանիլին և անցկացնել բլենդերով։

Ապա գրտնակի օգնությամբ բացել խմորը 2-3 մմ հաստությամբ, այնուհետև պատել կարագով , ապա շերտով քսել  կաթնաշոռային զանգվածը, վրան շաղ տալ կես բուռ չամիչ։ Փաթաթել ռուլետի տեսքով, փակել ծայրերը և բաժանել կտորների՝  2-2,5 սմ հաստության։ Թաթախել ալյուրի մեջ ու դասավորել մոմաթղթով ձևամանի մեջ։

Ծածկել սրբիչով և թողնել 25 րոպե հանգստանա, այնուհետև կաթի և դեղնուցի խառնուրդով պատել թխվածքաբլիթները և թխել 180 աստիճան տաքացված ջեռոցում 25 րոպե։

Понравилась статья? Поделиться с друзьями:
error: Content is protected !!