Անչափ համեղ մսային ռուլետ, որի «խմորը» կարելի է պատրաստել կարտոֆիլից

Առաջարկում ենք ճաշին կամ ընթրիքին պատրաստել այս համեղ ուտեստը։ Այն ունի պատրաստման բավականին  դյուրին գործընթաց։ Հետևեք բաղադրատոմսի քայլերին և հավատացնում ենք կստացվի այնպիսին, ինչպես նկարում է պատկերված։ Ձեզ անհրաժեշտ կլինի՝

Աղացած միս — 400 գ

Կարտոֆիլ — 6 միջին չափի

Սոխ — 1 հ․

Հավկիթ — 2 հ․

Թթվասեր — 3 ճ\գ

Ալյուր — 3 ճ\գ

Համեմունքներ՝ ըստ ճաշակի

Սամիթ՝ ըստ ճաշակի

Կարտոֆիլներն անցկացնել մեծ քերիչով, քամել հյութը, ավելացնել սոխ, հավկիթ, թթվասեր, ալյուր և համեմել, լավ խառնել գդալով։ Այնուհետև շերտով ( լավաշից հաստ) փռել ձևամանի մեջ (ձևամանը նախապատրաստեք մոմաթղթով)։ Եփել 200 աստիճան տաքացված ջեռոցում 20-25 րոպե։ Ընթացքում անհրաժեշտ է պատրաստել  մսային խճողակը․ աղացած մսին ավելացնել սոխ, սամիթ, սև պղպեղ, աղ և խառնել։

Ջեռոցից հանել եփուկը և արագ տաք վիճակում փաթաթել ռուլետի նման և թողնել սառչի, որից հետո բացել, վրան քսել մսային խճողակը և արդեն հարկ կլինի հանել մոմաթուղթը և մսային ռուլետը դնել ձևամանի մեջ։ Վրայից ծածկել փայլաթիթեղով և շարունակել եփել ջեռոցում 30-40 րոպե՝ 180 աստիճանում։

Պատրաստի ռուլետի վրա կարող եք քսել թթվասեր և որպես զարդարանք՝ վրան շաղ տալ մանրացված սամիթ։ Բարի ախորժակ։

Понравилась статья? Поделиться с друзьями:
error: Content is protected !!