Թերևս բոլորին է հայտնի խնձորի օգտակարության մասին։ Այն անփոխարինելի միրգ է։ Պարունակում է ջուր, սպիտակուցներ , ճարպեր և մի շարք օգտակար տարրեր։
Ժամանակակից գյուղատնտեսությունը զարգացման այնպիսի փուլի է հասել, որ կարողանում է մրգի մի քանի տեսակներից ստանալ նորը։ Այսօր համացանցը լի է ամենաանհավանական լուսանկարներով և տեսանյութերով։ Եվ այդ ամենի մեջ մեզ՝ մարդկությանը, ոչինչ չի զարմացնում։
Երևի շատերը տեսած կլինեն սև խնձորի ֆոտոշարքը, և քչերը՝ այն իրականում։ Կան մարդիկ, որ դիտելով լուսանկարները՝ կարծում են, թե այն ֆոտոշոփի արդյունք է։ Միանգամից ասենք, որ սև խնձորն իրականություն է։ Այն պատկանում է Հուա Նիու տեսակին և կոչվում է «Սև ադամանդ»։
Այս անսովոր խնձորներն աճում են Տիբեթում։ Կեղևի յուրահատուկ գույնը միայն առաջին հայացքից է սև։ Երբ չափազանց ուշադիր նայեք այն ավելի շատ մուգ մանուշակագույն է, որդ աշխարհագրական պայմանների արդյունք է։
Մուգ պիգմենտը զարգանում է արևի լույսի շատ քանակից։ Չնայած խնձորի անսովոր արտաքին տեսքին, նրա սև կեղևի տակ սովորական խնձոր է թաքնված։
