Ծիրանի չրով և ընկույզով հրաշալի թխուկ․ պատրաստեք և կհամոզվեք

Անչափ համեղ թխուկ, որը կգոհացնի անգամ ամենաքմահաճ քիմքը։ Պատրաստման գործընթացը բավականին դյուրին է։ Հետևեք բաղադրատոմսի քայլ առ քայլ և համոզված եղեք՝ արդյունքը հրաշալի կլինի։

Եվ այսպես, ձեզ անհրաժեշտ կլինի՝

Խմորի համար՝

Հավկիթ — 1 հ․

Շաքարավազ — 3 ճ․ գ․

Թթվասեր — 1 ճ․ գ․

Սերուցքային կարագ — 100 գ

Ալյուր — 300 գ

Փխրեցուցիչ —  1 թ․ գ․

Խճողակի համար՝

Ծիրանի չիր — 300 գ

Ընկույզ

Շաքարավազն ըստ ցանկության

Խմորի վրա քսելու համար անհրաժեշտ կլինի մեկ դեղնուցը և երկու ճաշի գդալ կաթը միախռնել։ Հավկիթը, շաքարավազը, թթվասերը և կարագը լավ խառնել, ավելացնել մաղով անցկացված ալյուրը խառնած փխրեցուցչի հետ և հունցել խմոր։ 10-15 րոպե թողնել սառնարանում։

Այնուհետև յուղաթղթի վրա գրտնակով բացել շրջանի տեսքով, հավասերեցնել եզրերը և շուրջը գրպանիկների տեսք տալ, ինչպես պատկերված է լուսանկարներում և եզրերը պատել ձվի և կաթի խառնուրդով։ Գրպանիկներում դնել ընկույզ՝ թեթև հրելով։

Մեջտեղում լցնել խճողակը և հավասերեցնել։ Խճողակը պատրաստելու համար բոլոր բաղադրիչները միախառնել և անցկացնել մսաղացով։Թխել 180 աստիճանով տաքացված ջեռոցում մոտավորապես 30 րոպե։

Понравилась статья? Поделиться с друзьями:
error: Content is protected !!