Մանկություն՝ հրաշալի ու անհոգ ժամանակահատված, որ լցված էր կախարդանքով և անկեղծ ուրախություններով, համարձակ երազանքներով, որոնք անկասկած կատարվում էին։Անկեղծորեն հավատում էինք հեքիաթներին, բարու հաղթանակին և կախարդանքին։ Եվ վստահաբար գիտեինք, որ ամեն բան դեռ առջևում է։Մանկություն, որտեղ երևակայության թռիչքը կա։
Մեզանից յուրաքանչյուրը գեթ մեկ անգամ գոնե երազել է ետ գնալ մանկություն , վերցնել մի պատառիկ, մի հուշ և վերադառնալ ու այն պահել ընդմիշտ։ Այդ պատառիկները փնտրում ու գտնում ենք մեր մանկության լուսանկարներում։Հաճույքով թերթում և ամեն անգամ մի նոր բան նկատում կամ մի նոր պատմություն հիշում ու երջանկանում, կարծես մանկության անհոգությունն է պատում , նկարից վարակում։ Ներկայացված լուսանկարում սիրված երգիչ Արամեն է։
Ծնվել է 1982 թվականին, Արմավիրի մարզի Արմավիր քաղաքում։ Մի քանի տարի անց տեղափոխվում են Երևան, ևս մի քանի տարի անց ընտանիքը տեղփոխվում է Ռուսաստան և հաստատվում Դոնի Ռոստովում։ Այստեղ ապագա երգիչն ընդունվում է «Արևիկ» մանկական երաժշտական համույթ։
Զբաղվել է նաև սպորտով (կարատե, քինգ-բոքսինգ, բոդիբիլդինգ)։ Ստացել է իրավաբանի մասնագիտություն։ Որոշակի ժամանակահատված զբաղվել է թարգմանությամբ։ Աշխատել է որպես թարգմանիչ։
Երգիչը 2004 թվականին վերադառնում է Հայաստան։ Ներկայացրել է բազմաթիվ երգեր, հանդես եկել բազմաբնույթ միջոցառումներում և անչափ սիրվել հանդիսատեսի կողմից։
