Առաջարկում ենք անչափ հեշտ և հասարակ պատրաստման գործընթացով տորթ, որն անհավանական համեղ է ստացվում։ Այս տորթի խմորի համար պահանջվում է ընդամենը 4 բաղադրիչ։ Ստացվում է անչափ համեղ։ Պատրաստեք և կհամոզվեք։ Ստացվում է անչափ փափուկ, նուրբ, ճերմակ ու եթերային տորթ։ Այն դուր կգա ընտանիքի բոլոր անդամներին։
Եվ այսպես, ձեզ անհրաժեշտ կլինի՝
Հավկիթ — 2 հ․
Խտացրած կաթ — 1 բանկա
Ալյուր — 150-160 գ
Փխրեցուցիչ — 15 գ
Հավկիթները հարել, ավելացնել խտացրած կաթը և լավ խառնել, այնուհետև լցնել ալյուրն ու փխրեցուցիչը, ապա խառնել։ Ստացված զանգվածով ըուղաթղթով նախապատրաստած ձևամանի մեջ ձևավորել միջին չափի և միջին հաստության բլիթներ։ Թխել 200 աստիճան տաքացված ջեռոցում 7 րոպե։
Կրեմ՝
Թթվասեր — 700 գ
Շաքարի փոշի — 100 գ
Կրեմի համար նախատեսված այս երկու բաղադրիչները հարիչով լավ հարել և վերջ․ կրեմը պատրաստ է։ Կարող եք վայելել ձեր մեկ բաժակ թեյը կամ սուրճը ընտանեկան ջերմ մթնոլորտոմ այս անմшհական համով օժտված տորթը։ Բարի ախորժակ։
