Առաջարկում ենք շոկոլադե, մրգային տորթի բաղադրատոմս, որի համը տրամադրություն է բարձրացնում։ Բաղադրությունն էայնքանով է հետաքրքրական, որ իր մեջ ալյուր ներառված չէ։ Պատրաստման գործընթացը դժվար չէ։
Եվ այսպես, պատրաստման համար ձեզ անհրաժեշտ կլինի՝
Ձևաման 23 սմ տրամագծով
Դառը շոկոլադ — 125 գ
Կաթնային շոկոլադ — 125 գ
Շաքարավազ — 120 գ
Սերուցքային կարագ — 130 գ
Հավկիթ — 5 հ․
Կակաո — 65 գ
Աղ՝ մեկ պտղունց
Վանիլին — 1 ճ․ գ․
Ազնվամորի զարդարելու համար։ Իհարկե կարելի է փոխարինել ցանկացած հատապտղով։
Ջնարակ՝
Դառը շոկոլադ — 125 գ
Կաթնային շոկոլադ — 125 գ
Սերուցք — 200 մլ
Ջրային գոլորշու վրա հալեցնել սերուցքային կարագը և շոկոլադը, թողնել մի փոքր սառչի։ Ավելացնել աղ, շաքարավազ, վանիլին, լավ խառնել։ Ավելացնել հավկիթները, խառնել, այնուհետև կակաոն և բոլորը միասին հարել հարիչով։
Ձևամանը պատել կարագով և պատրաստի խմորը լցնել ձևամանի մեջ։ Թխել 180 աստիճան տաքացված ջեռոցում 30 րոպե։ Այժմ անհրաժեշտ է անցնել ջնարակի պատրաստմանը։
Շոկոլադը հալեցնել ջրային գոլորշու վրա, ապա ավելացնել սերուցքը և լավ հարել հարիչով։ Այնուհետև լցնել տորթի վրա և զարդարել հատապտղով։
