Նապոլեոնի նոր , անչափ հեշտ բաղադրատոմս․ պատրաստվում է հաշված րոպեների ընթացքում

Առաջարկում ենք մի բաղադրատոմս, որի պատրաստման մեթոդով հայտնի Նապոլեոն տորթը կստացվի անչափ արագ ժամանակամիջոցում։ Շատ համող և յուրօրինակ է ստացվում։

Եվ այսպես ձեզ պետք է՝

Շերտավոր խմոր — 1000-1500 գ

Կաթ — 1 լ

Հավկիթ — 5 հ․

Ալյուր — 5 ճ․գ․

Շաքարավազ — 2 բաժակ

Կարագ — 250 գ

Խտացրած կաթ — 100-150 մլ

Շերտավոր խմորը բաժանել ձեր նախընտրած չափերով և թխել 220-240 աստիճան ջեռոցում՝ 5-6 րոպե։ Մինչև շերտերը կհովանան, անհրաժեշտ է պատրաստել կրեմը։ Կաթը եփել շաքարավազով։

Հավկիթները ալյուրի հետ խառնել մինչև համասեռ զանգվածի հասնելը․ մի փոքր կաթ ավելացնել ձվային զանգվածին և խառնել։ Երբ շաքարավազով կաթը կսկսի եռալ, անմիջապես բարակ շիթով կաթի մեջ լցնել ձվային զանգվածը՝ անդադար խառնելով և այդպես անդադար խառնելով եփել 3-5 ր․, հետո ծածկել սննդային թաղանթով և թողնել ամբողջովին սառչի։

Այդ ընթացքում հարել խտացրած կաթը կարագով, ապա շարունակելով հարել՝ ավելացնել եփած կրեմը։ Այնուհետև թխած շերտերի վրա քսել կրեմը, միացնել և վերջ։ Տորթը պատել փշրանքներով։

Понравилась статья? Поделиться с друзьями:
error: Content is protected !!