Առաջարկում ենք պատրաստել անչափ համեղ աղցան, որը կարող են ուտել նաև այն անձիք, ովքեր հետևում են իրենց կազմվածքին։ Այն կազմված է բանջարեղեններից և առատ վիտամինների փունջ է։
Առաջիկայում գարուն է։ Մի շրջան, երբ օրգանիզմին վիտամիններ են անհրաժեշտ։ Այն կոչվում է «Կարմիր աղցան»։ Իր անվանումը ստացել է բաղադրիչների կարմիր գույնի շնորհիվ։ Այս աղցանի բոլոր բաղադրիչները կարմիր գույն ունեն։
Եվ այսպես, ձեզ անհրաժեշտ կլինի՝
Մանուշակագույն երանգի կաղամբ — միջին չափի կաղամբի կեսը
Սոխ՝ անպայման կարմիր երանգի — 1 գլուխ
Կարմիր պղպեղ — 2 հ․ (մեկը՝ կծու)
Լոլիկ — 3 հ․
Նուռ — 1 հ․
Աղ, սև պղպեղ՝ ըստ ճաշակի
Գինու քացախ — 2 ճ․ գ․
Բուսայուղ
Կաղամբը անցկացնել քերիչի մեծ անցքերով, երկարությամբ կտրատած կարմիր պղպեղը, լոլիկը, սոխը, ապա ավելացնել նուռը, համեմել և ավելացնել բուսայուղ և գինու քացախը։ Լավ խառնել և վերջ, աղցանը պատրաստ է։ Այն վիտամինների մի ամբողջական փունջ է։ Կարելի օգտագործել նաև պահքի շրջանում։
