Առաջարկում ենք ընթրիքին պատրաստել մի ուտեստ, որն ունի պատրաստման դյուրին գործընթաց և անչափ համեղ է ստացվում: Կօգտագործեք կես կիլոգրամ միս և կստանաք հագեցնող ընթրիք։ Ուտեստը մեքսիկական խոհանոցից է։
Այսպիսով, ձեզ անհրաժեշտ կլինի՝
Աղացած միս — 500 գ
Սոխ — 1 գլուխ
Սխտոր — մի քանի ատամիկ
Կարմիր պղպեղ — 2 հ․
Լավաշ
Պանիր — 200 գ
Պահածոյացված եգիպտացորեն, կարելի է նաև եգիպտացորենի փոխարեն օգտագործել հատիկ լոբի
Տոմատ
Բուսայուղ
Բուսայուղի մեջ տապակել աղացած միսը, սոխը, սխտորը , կարմիր պղպեղը(եթե կծու ուտեստների սիրահար եք , ընտրեք կծու պղպեղներ, որը կօգնի ստանալ մեքսիկական խոհանոցի իրական համը) և մեկ ճ․գ․ տոմատ,ըստ ճաշակի ավելացնել համեմունքները։
Ձևամանի վրա քսել տոմատ, կտրատել լավաշը մեծ քառակուսիներով , պատրաստի մսային զանգվածը փաթաթել լավաշի մեջ և դասավորել ձևամանի մեջ և վրան լցնել քերած պանիր։ Եփել 180 աստիճան տաքացված ջեռոցում 10-15 րոպե։
Եվ վերջ, արագ և անհավանակն համեղ ու հագեցնող ընթրիք։ Այն կհավանեն ընտանիքի բոլոր անդամները։ Պատրաստեք և կհամոզվեք։
