Այսօր երգչուհի Աննա Դովլաթյանի ծննդյան օրն է։ Այդ առիթով նրա ամուսինը՝ դերասան Դավիթ Աղաջանյանը, իր սոցհարթակում հանրայնացրել է կնոջ հետ սիրառատ լուսանկար, որտեղ զույգն անչափ շքեղ տեսք ունի։
Դերասանը լուսանկարին կցել է գեղեցիկ գրառում։ Նա մասնավորապես գրել է․ «Շնորհավոր ծնունդդ իմ Մեծ աղջիկ․․․ Միշտ ժպտա»։ Մեկնաբանություններում Դավիթի և Աննայի հետևորդները ջերմագին շնորհավորանքներով և բարեմաղթանքներով են հանդես եկել։
Իսկ երգչուհու ինսթագրամյան օգտահաշվի սթորի բաժինը, որտեղ տեղեկատվությունը հասանելի են 24 ժամ, վաղ առավոտից լեցուն են շնորհավորանքներով և բարեմաղթանքներով։
Հիշեցնենք, որ զույգն ամուսնացել է 2018 թվականին։ Նրանք ունեն մեկ դուստր՝ Կարինան։ Հրաշք փոքրիկն արդեն ութ ամսական է։ Երջանիկ ծնողները հաճախ են հանրայնացնում փոքրիկի լուսանկարներն ու իր մասնակցությամբ տեսանյութերը։
Թե ինչպես է մեծանում Կարինան, ուշի ուշով հետևում են օգտատերերը և նրա մասնակցությամբ բոլոր լուսանկարներն ու տեսանյութերը օգտատերերի կողմից մեծ ուրախությամբ են ընդունվում։ Նրանք մշտապես հանդես են գալիս գեղեցիկ գրառում-մեկնաբանություններով։
