Եթե անչափ շատ եք սիրում մեղրով տորթ, բայց պատրաստման գործընթացը ժամանակատար է ու նյարդայնացնող, ապա առաջարկում ենք Մեղրով տորթի մի բաղադրատոմս, որը կկարողանաք պատրաստել շատ կարճ ժամանակամիջոցում և միևնույն ժամանակ կստանաք անչափ համեղ տորթ։
Այսպիսով, այն պատրաստելու համար ձեզ անհրաժեշտ կլինի՝
Հավկիթ — 2 հ․
Շաքարավազ — 100 գ
Մեղր — 70 գ
Կարագ — 60 գ
Ալյուր — 180 գ
Վանիլ — 5 գ
Սոդա — 1 թ․ գ․
Սերուցք(33%) — 300 մլ
Շաքարի փոշի — 70 գ
Մեկ պտղունց աղ
Հավկիթները մեկ պտղունց աղի և շաքարավազի հետ հարել, ավելացնել վանիլ, կարագ և մեղր, ապա հարել գդալի օգնությամբ։ Այնուհետև ավելացնել ալյուրն ու սոդան և լավ խառնել։ Խմորը լցնել յուղաթղթի վրա, տարածել և թխել 180 աստիճան տաքացված ջեռոցում 8-10 րոպե։
Անհրաժեշտ է հետևել, որ շատ չթխվի․ պետք է թեթև վարդագունի։ Այնուհետև զգուշությամբ առանձնացնել յուղաթղթից և բաժանել երեք մասի։ Եզրերը հավասարեցնել, իսկ մնացորդներից պատրաստել փշրանքներ։
Սառը սերուցքը հարել շաքարի փոշու հետ և կրեմը պատրաստ է։ Այն քսել շերտերի վրա և միացնել իրար, վրան նույնպես քսել կրեմ և զարդարել փշրանքներով։ Թողնել սառնարանում երկու ժամ։