Դերասան, հումորիստ Անդրանիկ Հարությունյանը ինսթագրամյան իր օգտահաշվում ընտանեկան ջերմ լուսանկար է հանրայնացրել, որտեղ ինքը մոր, հոր և եղբոր հետ է։ Լուսանկարին Անդոն գրառում է կցել․ «Ընտանիք Հարստություն»։
Հումորիստի հետևորդները նկատել են, թե որքան նման են ընտանիքի անդամները մեկը մյուսին։ Օգտատերերը մեկնաբանություններում հանդես են եկել ջերմ և գեղեցիկ գրառումներով։ Ավելի վաղ դերասանը հանրայնացրել էր կնոջ հետ լուսանկար, որը գրառել էր ՝ «Ուրախությունս»։
Վերջին շրջանում Անդրանիկ Հարությունյանը իր սոցհարթակում հումորային հրապարակումներով է հանդես գալիս։ Վերջերս նրա հանրայնացրած լուսանկարներից մեկը համացանցում մեծ աղմուկ էր բարձրացրել։ Բանն այն է, որ դերասանը ներկայացրել էր մի լուսանկար, որտեղ նրա հայտնի քիթը փոփոխության էր ենթարկված։
Հանրության մեջ կարծիք առաջացավ, որ Անդոն վիրահատել է քիթը, սակայն մի քանի օր անց հումորիստը հանրայնացրեց առանց ֆոտոշոփի լուսանկար և գրառեց․ «Գեղեցիկ է նա ով վերջում է ծիծաղում»։
Անդոյի գրեթե բոլոր հետևորդները կարծում են, որ դերասանին իր քիթը սազում է։
