Ժամեր շարունակ տարածվում են լուսանկարներ, որոնք արվել են Լոնդոնի մետրոյում։ Դրանք գովազդային վահանակներին ամրացված պաստառներ են բերդաքաղաք Շուշիի նկարներով։
Եվ ամենացավալին կայանում է նրանում, որ նկարներում Շուշին ներկայացված է՝ որպես ադրբեջանական մշակութային արժեք։ Լուսանկարները տարածել են Լոնդոնում բնակվող մեր հայրենակիցները։ Այս իրողության վերաբերյալ գրել է Արմեն Աշոտյանը և արտահայտել սեփական կարծիքը։
Նա գրել է, որ նյարդայնացել նկարները դիտելով։ «Չկասկածեք, որ սա Լոնդոնով չի սահմանափակվելու։ Նման քայլերով Ադրբեջանն ամրագրում է իր հաղթանակը, որ նվիրեց իրեն վերարտադրվելու քոս ընկած թրքահպատակ վիժվածքը։
Մինչև Ադրբեջանը միջազգային հարթակներում Արցախն իրենով է անում, դավաճան սրիկան մեզ շեղում է «ընտրություններով»»,- գրել է Աշոտյանը: Լուսանկարները արագորեն տարածվում են սոցիալական տարբեր հարթակներում։
Մեկնաբանություններում աշխարհասփյուռ հայությունը զայրույթն է ցուց տվել և մատնացույց արել անարդարությունը և աշխարհով մեկ այդքան մեծ տարածում գտած անտարբերությունը, ինչպես նաև նշել, որ աշխարհով մեկ սփռված հայերին այդօրինակ պաստառներով չեն խաբի և անցյալը մոռացության չեն տա։
