Պшտերшզմից հետո հազարավոր զոհերից ճմլված հայի սիրտը կենդանության նշույլներ է ստանում՝ արհավիրքը հաղթահարած տղաներին տեսնելով։
Մեր շուրջն ապրում են կենդանի, իրական հերոսներ, որոնք իրենց անկոտրում կամքի շնորհիվ կան ու դեռ պիտի շատանան՝ պահելով ու փայփայելով մարտի դաշտում թողած արծիվ ընկերների անմար հիշատակը։ Վիրավոր տղաներին բժիշկներն ամեն կերպ փորձում են ոտքի կանգնեցնել։ Ահա այսպիսի մի հերոսի մասին է պատմում բժիշկ Արմեն Մուրադյանը։
Նա ֆեյսբուքյան իր օգտահաշվում գրառում է կատարել, որտեղ պատմել է հերոս Արամի մասին, ով պրոթեզավորվել է և շտապել տուն՝ ընտանիքի անդամներին ուրախացնելու։ Ընտանիքի բոլոր անդամները անասելի հուզված էին։
Դիմավորելու էին եկել բոլոր հարազատները։ Մուրադյանը մասնավորապես գրել է․ «Արամը պրոտեզավորվեց և քայլելով գնաց տուն… Արամ Արզումանյանը պшտերшզմի ժամանակ կորցրել է երկու ոտքը:
Պրոթեզավորումից հետո խնդրեց մի քանի ժամով տուն գնալ, որպեսզի քայլելով մտնի տուն ու անակնկալ մատուցի մորը»։
