ՀՀ վարչապետ Նիկոլ Փաշինյանը ֆեյսբուքյան իր օգտահաշվում հաճախ պատմում է աշխատանքային գործընթացների մասին և կատարում տարբեր հրապարակումներ։
Այս անգամ երկրի վարչապետը լուսանկարներ է հանրայնացրել, որտեղ երևում է, որ Փաշինյանի ընտանիքը կառավարական տանն ընդունել է Արցախյան պատերազմում վիրավորված տղաներին։ Լուսանկարներից երևում է, որ հետաքրքիր և ջերմ հանդիպում է եղել։ Այդ հանդիպմանը մասնակցել են նաև վարչապետի ընտանիքի անդամները։
Նիկոլ Փաշինյանը լուսանկարներին կից գրառման մեջ պատմել է, որ տղաները պատերազմը սկսելուն պես անիմիջապես մեկնել էին առաջնագիծ։
Զրույցի ընթացքում տղաներից յուրաքանչյյուրը պատմել է իր պատմությունը։ Փաշինյանն այն որակել է՝ որպես հերոսական պատմություններ։ Քննարկել են ապագայի վերաբերյալ ծրագրեր։
Վարչապետը նաև նշում է, որ սիրով պատասխանել է տղաներին հետաքրքրող հարցերին։ Կողմերը պայմանավորվել են պահպանել կապը։ Հիշեցնենք, որ վարչապետը հանդիպել է պատերազմում վիրավորում ստացած տղաների երկրորդ խմբի հետ։
Նախորդ հանդիպումը կայացել էր մարտի տասներեքին։ Այն կայացել էր կառավարական տանը։ Այդ մասին տեղեկացրել էր վարչապետը ֆեյսբուքյան իր օգտահաշվում։
