Վրացական խոհանոցը լավագույններից է և միշտ առանձնացել է իր համ ու հոտով։ Դե իսկ վրացական խաչապուրին աշխարհում համեղագույն ուտեստ է համարվում։ Խաչապուրու բազմապիսի բաղադրատոմսերից առանձնացրել ենք մեկը և սիրով ներկայացնում ենք։ Պատրաստման դյուրին գործընթաց ունի։ Պատրաստեք և վայելեք վրացական անմահական համը։
Անհրաժեշտ կլինի՝
Մածուն — 200 մլ
Սոդա — 1/3 թ․գ․
Աղ — 0.5 թ․գ․
Շաքարավազ — 0.5 թ․գ․
Բուսայուղ — 20 մլ
Հավկիթ — 1 հ․
Ալյուր — 400-430 գ
Միջուկ․
Սուլուգունի — 280 գ
Հավկիթ — 1 հ․
Աղ + պղպեղ՝ ըստ ճաշակի
Կարագ — 50 գ
Մածունը և սոդան միախառնել, ավելացնել շաքարավազն ու աղը, հավկիթը և խառնել, լցնել ալյուրը և ստանալ փափուկ խմոր։ Հունցման ընթացքում ավելացնել բուսայուղը։ Բաժանել մի քանի մասերի, գնդել, ծածկել ։
Այդ ընթացքում պատրաստել միջուկը։ Քերած պանրի վրա ավելացնել հավկիթ, աղ, պղպեղ, խառնել։ Գնդերը բացել, միջուկ դնել վրան և գնդել։ Ձեռքերի օգնությամբ բացել՝ տալով բլիթի տեսք։
Պատրաստել չկպչող թավայում, փակ կափարիչով՝ 2 կողմից, որից հետո պատել առատ կարագով։
