Այսօր թատրոնի միջազգային օրն է։ Շատ դերասաններ այս մասին անդրադարձել են իրենց սոցիալական էջերում։
Կան դերասաններ, որոնք թատրոնում իրենց զգում են ինչպես ձուկը ջրում և ակտիվ մասնակցություն ունենալով նաև այլ նախագծերում՝ միևնույն է կարոտով են վերադառնում իրենց սիրել գործին՝ թատրոնին։ Աշխատանքը թատրոնում շատ դերասանների մեծ բավարարվածություն է պարգևում և հանդիսանում է ոգեշնչման աղբյուր։
Այդ դերասանների շարքին է դասվում հանրության կողմից անչափ սիրված դերասանուհի Անահիտ Կիրակոսյանը։ Անահիտը բազմիցս նշել և խոսել է թատրոնի հանդեպ իր մեծ սիրո մասին։
Այսօր թատրոնի միջազգային օրվա առիթով արտիստուհին սոցիալական իր հարթակում լուսանկարներ է հանրայնացրել, որտեղ նա բեմում է՝ ներկայացման պահին։ Լուսանկարներին գրառում է կցել։
Նա մասնավորապես գրել է․ «Թատրոն… ուրիշ աշխարհ , որտեղ անիրականը դառնում է իրական…անկարելին կարելի…երևակայելին թույլատրելի… անվերջ ստեղծագործելու և արարելու յուրահատուկ տուն , որ չի ծերանում ունենալով դարերի պատմություն …միշտ արդի…միշտ նոր… շնորհավոր տոնդ!!!կախարդական թատրոն!!! Թատրոն ԻՄ ՍԵՐ . . .»։
