«Իմ տան մոտ նման պաստառ կախելը ձեր հերթական անբարոյականության դրսևորումն է»․ Ալեն Սիմոնյանն անդրադարձել է իր անվամբ սև ժապավենին

Այսօր համացանցում լուսանկարներ տարածվեցին, որոնց վրա պատկերված էր սև ժապավեն՝  «Ալեն 41» գրվածքով։ Այս մասին համացանցում օգտարերի կողմից իրարամերժ կարծիքներ են եղել։ Ոմանց գրառումներն այն մասին էին, որ նույն կերպ ներկայիս իշխանությունը վարվել է նախկինների հետ մի քանի տարի առաջ։

Իսկ այժմ նույն վերաբերմունքին արժանանում են ներկայիս ղեկավարության ներկայացուցիչները։ Իսկ ոմանք էլ գրառել են, որ նման արարքները թե՛ անցյալում, թե՛ հիմա նույն մարդիկ են կատարում։ Համացանցում մեծ տարածում գտած այս լուսանկարին արձագանքել է ԱԺ փոխխոսնակ Ալեն Սիմոնյանը։

Նա իր սոցհարթակում գրառում է կատարել, որտեղ մասնավորապես գրել է․ «Իմ տան մոտ նման պաստառ կախելը ձեր հերթական անբարոյականության դրսևորումն է: Ու թող չհամարձակվեն ասել, որ ժամանակին ուրիշների նկատմամբ արվել է և ես դրա հետ կապ եմ ունեցել կամ չեմ դատապարտել: Էտ սուտ հեքիաթները 4-րդ դասարանի երեխաների մոտ կպատմեք:

Իսկ ընդհանուր առմամբ ձեր հավաքական գործունեությունը, որտեղ դուք ձեր կարճ խելքով փորձում եք կրկնօրինակել հեղափոխության ընթացքում եղածը ձեր ձևով, միայն ձեզ է վնաս տալիս: Կարելի է ուղղակի նստել ու սպասել, թե ոնց եք դուք ձեզ վնասում:

Շարունակեք ատելություն սփռել, սև ժապավեններ կախել, մարդկանց տան վրա գնալ, հայհոյել, գնդակահարության տեսարաններ բեմադրել և ճանապարհ փակել: Այդ ամենը շատ գրավիչ է մարդկանց համար, միանշանակ սատար կկանգնեն ու կմիանան ձեր պայքարին՝ հանուն այդ տեսակ Հայաստանի:

Չալարեմ մի օր ձեր մասին գիրք եմ գրելու, «100 քայլ, թե ինչպես արագ ձախողել ընդդիմադիր պայքարը»: Խաղաղություն բոլորին: Հայաստանը ապագա ունի»։

Понравилась статья? Поделиться с друзьями: