Այսօրվա կապույտ ու խաղաղ երկնքի տակ ունեցած մեր կյանքի համար պարտական ենք այն լույս տղաներին, անմահացած այն հերոսներին, որ հանուն հայրենիքի , հանուն գալիքի տվեցին ամենանվիրականը՝ կյանքը։ Ճանաչենք նրանց անուն առ անուն և մեր խորին երախտիքն ու խոնարհումը մատուցենք նրանց։
Սրբորեն պահպանենք նրանց կերտած սխրանքները և հավերժացնենք նրանց՝ բարձրաձայնելով ու մշտապես խոսելով նրանց հերոսական սխրանքի մասին։ Փոխանցենք նրանց անունները սերունդներին, որ պարտավորված լինեն հզոր հայրենիք ստեղծելու գործում։
Անմահացած մեր հերոսներից է Սասուն Սինանյանը։ Ծնվել է 2002 թվականին, Արմաշ գյուղում։ Սասունը անհամբերությամբ էր սպասում ծառայության մեկնելուն։ Մեկնել 2020-ին։ Ծառայությունն անցել է Մարտունի 2-ում։
Եղել է հրետանավոր։ Մասնակցել է թեժ մարտերին և հոկտեմբերի քսանին անմահացել ու իր լույս ժպիտով հավերժ մնացել սահմանին և հիմա էլ նրա խաղաղ ժպիտն է պահպանում մեզ։
Մեր խորին ցավակցություններն ու խոնարհումն ենք հայտնում հերոսի ընտանիքին և բոլոր հարազատներին։ Հիշատակդ հավերժ, քաջ հերոս․․․
